Naser NIKA është nismëtari dhe organizatori kryesor i projekteve të emërtimit ceremonial të rrugëve me figura shqiptare në New York.
Si Kryetar i Shoqatës Shqiptaro‑Amerikane të Staten Island, ai ka udhëhequr me sukses iniciativat për “Ismail Qemali Road”, “Isa Boletini Way” dhe “Senad Demiri Way”, duke forcuar identitetin dhe prezencën e komunitetit shqiptar në SHBA. Përmes bashkëpunimit me institucionet amerikane dhe organizatat e diasporës, Nika ka kthyer historinë shqiptare në pjesë të peizazhit urban të New York-ut.

Nderimi i figurave shqiptare në zemër të New York‑ut

Nën drejtimin e Naser Nikës, Shoqata Shqiptaro‑Amerikane e Staten Island ka realizuar disa nga projektet më të rëndësishme të emërimit ceremonial të rrugëve në qytetin e New York‑ut. Këto iniciativa kanë për qëllim të ruajnë kujtesën historike, të promovojnë identitetin shqiptar dhe të vendosin figurat tona kombëtare në hapësira publike të përhershme.

Ismail Qemali Way, inauguruar: 3 qershor 2023, Staten Island, NY

Roli i NIKËS: Nismëtar, organizator kryesor, koordinim me zyrtarët e NYC.
Emërtimi i parë ceremonial i një rruge shqiptare në Staten Island, i cili nderon themeluesin e shtetit shqiptar. Projekti u mbështet nga administrata e qytetit dhe u vlerësua si një moment historik për diasporën.

Senad Demiri Way, inauguruar: 30 mars 2025, vendndodhja: Hylan Boulevard, Staten Island.
Roli i NIKËS: Autor i kërkesës, organizator i ceremonisë.
Rrugë e dedikuar në nder të aktivistit dhe biznesmenit shqiptar Senad Demiri.
Projekti u realizua me pjesëmarrjen e komunitetit dhe përfaqësuesve të qytetit.

Isa Boletini Way, miratuar: 2025, inaugurimi: 30 nëntor, vendndodhja: Father Capodanno Blvd & Seaview Avenue
Roli i Naser NIKËS: Nismëtar, drejtues i procesit të miratimit
Përshkrimi: Një tjetër figurë madhore e historisë shqiptare që merr vendin e merituar në hartën e New York‑ut, falë përpjekjeve të drejtpërdrejta të Naser Nikës.